Celebrating Tobacco-Free AUB

​​​​​لشو التدخين

مقتبس - طيّارة ورَق

يللي عم تاكل عم تشرب وعلى أيا bench كنت

مندقلك منغنيلك ومنقعد نحنا وانت

هالرفقة هن ذاتن

والخبريات ذاتن 

بسلّوا بحد ذاتن

لشو التدخين!

 

يللي عم تكدح يومية وبالlower campus كنت

كنو فكرك انو الطلعة بتحميلك صحتك انت!

هن الأضرار ذاتن

وهن الأخطار ذاتن 

بعِّد عنن بأساسن

ولشو التدخين!

 

يللي عم تنطر بالفي وعالgreen oval كنت

شي علاقة رومانسية مع أحلى وأجمل بنت

ما هن صفوفا ذاتن

وأوقاتا كل يوم ذاتن

تعا عصفوفا ذاتن

ولشو التدخين!

 

يلي عم تفلح يومية وبأي مكتب كنت

مهما تفلح مهما تكدح رح تبقى حيث إنت

هني الوظايف ذاتن

وأوقاتهن كل يوم ذاتهن

وبما إنو هني ذاتن

لشو التدخين!

 

يللي عم تدرس بjaffet موتر مِلْإمتحانات

كنو فكرك هالسيجارة رح بتزيد العلامات

مالإمتحانات ذاتن

والعلامات ذاتن 

وبما إنو هنّي ذاتن

لشو التدخين!

 ​

Copyright © Teyyarit Waraq-20​​18

كلمات شيماء مصري الشعراني

مستوحاة من أغنية " لشّو التغيير" – كلمات وألحان شربل روحانا. ​